http://www.cbsnews.com/video/watch/?id=7363712n&tag=contentBody;storyMediaBox
Прв пат по 30 години тв екипа доби дозвола да снима на света гора.
ЗА МНОГУ ГОДИНИ
групата 357 ги обработи песните на Свети Николај Велимирович во рок верзија
истата песна во изведба на непознат изведувач
|
Каква треба да биде жената христијанка? Женското срце е најбогатата ризница на љубов на земјата, а Христос – најголемата љубов соединета со смирение, секогаш е близок на срцето на жената чија улога е смирението и чиј призив е љубовта.
Верата Христова е толку блиска на природата на човечката душа, а уште посродна со душата на жената. Жената може вистински да ја исполни својата улога само тогаш кога стои покрај смирениот и преисполнетиот со љубов Христос.
Обврските што жената ги има во заедницата со мажот се благословени и нејзината среќа зависи од исполнувањето на тие обврски. Дури и ако се случи едното лице од брачната заедница да си дава за право понекогаш да ги прекрши свештените должности и закони, другата личност треба да ги исполнува. Жената своето презиме го заменува со презимето на мажот, неговата слава, достоинство и углед ги прима како свои, но, и таа самата треба да се покаже како достојна слава на својот маж.
Со својата благоразумност, нежност, мудрост и грижа за семејството, домаќинството и децата, таа треба од својот дом да направи светилиште на редот, мирот, љубовта и среќата, каде мажот би можел после многубројните активности надвор од куќата, да најде спокој и разонода, мирно место за одмор од напорот и обновување на своите духовни сили. Во ваков дом, тој би нашол добар совет, поткрепа и разбирање, кое жената му го дава затоа што таа се наоѓа на исто рамниште со него и што е уште поважно, таа може да послужи во спасението на неговата душа. Доколку мажот покрај себе гледа пример на побожност, вера и љубов и гледа жена која живее во верата, тој е сигурен во нејзините чувства и има доверба во неа.
Жената христијанка својот дом го прави сигурно пристаниште, каде во мир ги исполнува своите домашни обврски, побожно размислува, постојано се моли, чита духовни книги и прави благоразумни и милосрдни дела. Таа во својот дом го пречекува својот маж, вознемирен од грижите во светот и врз него ја пренесува својата утеха и смирение; таа ги разгонува неговите непотребни и тешки мисли и повторно утешен и спокоен го испраќа во светот, со добро расположение кое го затекнал во домот.
Побожната и разумна жена може да влијае на својот маж и на неговото душевно расположение, затоа што, мажот, ниту пријателите, ниту своите другари нема да ги послуша како што ќе ја послуша својата жена и нејзините совети и сугестии,бидејќи тој е цврсто убеден во нејзината пожртвувана љубов и доверба.
Жената со својата грижа и мудрост, заедно со мажот ги дели домот и трпезата, јавните и домашните обврски, грижата и воспитанието на децата. Ваквата љубов и грижа никогаш не престанува, нејзе не можат да ја уништат ниту староста ниту болеста. Времето ја уништува телесната убавина, но духовната убавина е посилна и од староста, од смртта и од времето, затоа секоја христијанска жена и воопшто секоја жена треба да ревнува за внатрешната духовна убавина.
Жената христијанка може со своите дела и зборови, со начинот на кој својот живот го гради врз темелите на Евангелието и Божјите заповеди, да направи мажот да го почувствува Евангелието, да Го почувствува Бога, да тежнее кон себепоправање и кон сопствено спасение и спасението на ближните.
Единствено доколку мажот е крајно суров човек, нечувствителен и слеп да го види пред себе прекрасниот пример на жена со вистинска вера и побожност и како нејзиниот живот дава плодови пријатни и полни со љубов и себежртвување, тогаш тој можеби би требало да се запраша, кој има поголема добивка – тој во сегашниот земен живот што живее покрај ваква жена или таа добива повеќе – вечен живот и спасение на душата?
†
Вашата убавина да биде не надворешна, односно во плетењето на косите, китењето со злато или облекување на облеки,
туку – внатрешна, во срцето на сокриениот човек, во постојаност и тих дух, што е драгоцено пред Бога.
Оти така некогаш се украсуваа и светите жени, кои се надеваа на Бога и им се покоруваа на мажите свои,
како што Сара го слушаше Авраама, наречувајќи го господар. Вие сте нејзини чеда; ако правите добро, не плашете се од ништо.
Така и вие, мажите, живејте со своите жени разумно, и почитувајте ги како сонаследници на благодатниот живот, за да не се појави препрека во молитвите ваши.
А најпосле, бидете сите еднодушни, жалостиви, братољубиви, милосрдни, дружељубиви, понизни;
не враќајте зло за зло или хула за хула, туку, напротив: благословувајте, знаејќи дека за тоа сте повикани за да наследите благословение.
†
И така, жените облечени пристојно, со срамежливост и чесност да се украсуваат, не со плетенки, ни со злато, или со бисери, или со скапоцени облеки,
туку со добри дела, како што им прилега на жени, што и се посветуваат на побожноста. Жената да се учи во мир и потполна покорност, бидејќи порано беше создаден Адам, а потоа Ева; и Адам не беше измамен, туку жената беше измамена и направи престап:
но ќе се спаси преку раѓање деца, ако остане во верата, љубовта и во светоста со чесност.
|
  |
Не се кријат повеќе
agape